睇呢個MV簡直情緒過山車，見到咁多對戀人，本身覺得好甜蜜好感動。直到見到鄭子誠陰陰嘴笑個樣，嘰一聲唔爭氣笑咗出聲。後來見到對老夫婦手拖手又忍唔住掉眼淚，老人拖手嘅威力真係不容小覷。
今次周生生同陳柏宇一齊做嘅呢首歌叫認真如初。的而且確，好多情侶一相處耐咗就會將對方輕視，將所有該感恩嘅事都視為理所當然。我成日都提自己唔要咁。雖然已經老夫老妻，我還好清楚記得第一眼見到程仔的感覺、我哋同對方講嘅第一句說話、第一次約會嘅情況、第一次飛到瑞典，佢拎住紮花在接機大堂等嘅焦急模樣…還有佢傻更更帶我去公園求婚，但因為剛落完雨所以跪到一邊膝頭哥濕曬嘅情境。
就好似首歌其中一句歌詞咁「留一輩子給你 承諾認真與你活一世」。自婚禮上同程仔交換戒指說出我願意開始，我就已經決定要好好咁愛佢一世。無論是順境或逆境，富有或貧窮，也要認真如初地一起愛下去。
#認真讓愛每日如初 #周生生 #ChowSangSang #專業廣告一則 #認真如初 #用一首歌說認真如初 #陳柏宇 #陳柏宇老婆好靚 #鄭子誠陰陰嘴笑 #睇到我又喊又笑
Chow Sang Sang Jewellery Official Page 周生生珠寶官方專頁 Jason Chan 陳柏宇
Search